NY MPANJAKA NDRIANA RABARIOELINA: FAHAGANANA ATAON' ANDRIAMANITRA !

   NY MPANJAKA NDRIANA RABARIOELINA : FIJOROANA VAVOLOMBELONA AMIN' NY FAHAGAGANA ATAON' ANDRIAMANITRA SY NY VALIM-BAVAKA:

1) Lehilahy iray voan' ny cancer métastase efa niparitaka any amin' ny taolana, narary sy nijaly mafy andro aman'alina, efa tsy afaka nitsangana intsony, no nentinay am-bavaka ary sitrana tanteraka afaka roa volana.

2) Ramatoa narary mafy voan' ny Accident vasculaire cérébrale (AVC), efa tsy mihetsika intsony ny ilany havia rehetra, ny tarehiny, ny vatany ka hatrany amin' ny tongony havia, no nentiko am-bavaka sy nametrahako tànana tao amin' ny Hopitaly Isoavinandriana, no sitrana afaka nitsangana sy nandeha indray, afaka andro vitsy.

3) Lehilahy voan' ny occlusion intestinale sy perforation gastrique, tao amin' ny Clinique Ambodivona ary voatery nentina tao amin' ny Urgence Hopitaly Ampefiloha, no nentiko am-bavaka sy nametrahako tànana tao amin' ny Urgence ary sitrana teo noho eo.

4) Dokotera malaza iray, mpitsabo olona amin' ny zava-maniry, akaikin' Ambositra sy Fandriana, no narary mafy ny tongony sy efa nivoaka nàna ny lohaliny, nangata-bavaka an-telefonina, no sitrana afaka 10 minitra.

5) Lehilahy sy vehivavy lehibe, izay samy narary mafy, tamin' ny toerana roa samy hafa tany Farafangana, tsy nentiko am-bavaka na nametrahako tànana fa nanambarako ny Famonjen' Andriamanitra, no sitrana teo noho eo.

6) Olona miisa zato mahery, izay natao takalon'aina sy nampijaliana tao Vohibinany (Brickaville) nandritra ny iray volana mahry, tamin' ny ady amin' ny basy aman-tafondro, no tafavoaka sy afaka nody tany an-tranony afaka andro vitsy (taona 2002).

7) Fisakànana ny fanotofana 1.000 hektara tanimbary teny Ambohitrimanjaka, izay iasan' ny 60.000 tantsaha amin' ny Kominina miisa enina (Ambohitrinimanjaka, Ambohidrapeto, Fiadanana, ...) ary mamelona 600.000 vahoaka malagasy teto Antananarivo. Valim-bavaka sy vokatry ny asa natao: Nafindra any amin' ny toeran-kafa ilay Tetikasa Tanamasoandro.

Hoy JESOSY KRISTY ZANAK'ANDRIAMANITRA: "...NY ZAVATRA REHETRA DIA HAIN' ANDRIAMANITRA..." (Matio 19:27).

DIA HO AN' ANDRIAMANITRA ANDRIANANAHARY, MPAMORONA NY LANITRA SY NY TANY, IRERY IHANY NY VONINAHITRA MANDRAKIZAY!

Antananarivo vohitra masina,

Alahady 27 Septambra 2026.

Mpanjaka Ndriana RABARIOELINA,

Mpiandry Zanaka Toby Ankaramalaza (1991),

Docteur en Théologie (PhD, DTheol, USA),

Avy amin' ny Lahimatoan' Imerina,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara.

HAFATR' ANDRIAMANIITRA HO AN' NY FIRENENA MALAGASY (Septambra 2026)

  HAFATR' ANDRIAMANITRA HO AN' NY FIRENENA MALAGASY

izay nampitondrain' ANDRIAMANITRA tamin' i Mama Volahavana Germaine Nenilava (1918-1998), Taranaka Ampanjaka Antemoro, Raiamandreny ara-panahy, Tobilehibe Ankaramalaza, nahay Tenim-pirenena roambinifolo, efa maty im-pito sy efa nampiakarin' Andriamanitra im-pito tany an-danitra, nampahafantarin' Andriamanitra ny Tantara miafin' i Madagasikara (Taloha, Ankehitriny, Ho Avy), Mpaminany ho an' ny firenena, hoe :

"...HO HAJORON' ANDRIAMANITRA ETO MADAGASIKARA NY FANJAKA-PISORONA SY NY FIRENENA MASINA 

ARY NY SITRAPON' ANDRIAMANITRA NO HATAO ETO FA TSY NY SITRAPON' OLOMBELONA

ARY MADAGASIKARA HO LASA FIRENENA MAHERY, HO LOHANY FA TSY HO RAMBONY, HO AMBONY FA TSY AMBANY, ARY HAMPINDRANA FA TSY HINDRANA INTSONY...".

Ny Fanjaka-Pisorona dia mankatoa an' ANDRIAMANITRA ANDRIANANAHARY, MPAMORONA NY LANITRA SY NY TANY, ary manaja ny Raiamandreny ara-drazana (Mpanjaka, Ampanjaka, Sojabe, Zokiolona...), ny Ain' Olombelona, ny Fihavanana, ny Fifankatavana, ny Fahamarinana, ny Tontolo Iainana, ny Fahaleovatenam-pirenena ary ny Fiandrianam-pirenena, 

Ny Fanjaka-Pisorona dia Fanjakana Malagasy, izay misy ihany koa ny Filankevitry ny Mpisorona, fa tsy rafitra repoblikana, laika, demokratika intsony, izay napetraky ny vazaha mpanjanantany nentina nanapotehina ny soatoavina sy ny kolotsaina malagasy sy nampahantrana ny vahoaka malagasy ary nentina nandrobana ny harem-pirenena ho an' ny vahiny.

Fanambarana natao ho an' ny Firenena Malagasy, izay tao amin' ny Lapa Iavoloha, teo anatrehan' ny Filohan' ny Fanavaozana sy ireo Raiamandreny ara-panahy ary Raiamandreny ara-drazana.

DIA HO AN' ANDRIAMANITRA ANDRIANANAHARY IRERY IHANY NY VONINAHITRA MANDRAKIZAY!

Antananarivo vohitra masina, faha-08 Septambra 2026.

Hoy Ny Mpanjaka Ndriana RABARIOELINA,

avy amin' ny Lahimatoan' Imerina,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara.

Fanamarihana: 

Ny Fanjaka-Pisorona dia ny Fanjakan' Andriamanitra midina eto Madagasikara: "...ATAO ANIE NY SITRAPONAO ETY AN-TANY TAHAKA NY ANY AN-DANITRA...". 

FANAMBARANA MIKASIKA NY FANDRIAMPAHALEMANA ETO MADAGASIKARA (Jolay 2026)

 FANAMBARANA:

Ry Malagasy mpiray tanindrazana,

1) Ny Mpanjaka Ndriana RABARIOELINA,

avy amin' ny Lahimatoan' Imerina,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara,

dia manameloka ny fangalarana olona sy ny famonoana olona ary ireo mahatonga ny tsy fandriampahalemana mitranga eto amin' ny tany sy ny firenena.

Mirary fiononana feno ho an' ireo niaram-boina ary mirary mba ho hita soamantsara ireo tsy hita na ireo nisy naka ankeriny sy mirary fahasalamana feno ho an' ireo tsy salama.

2) ANDRIAMANITRA efa nilaza tamin' ny Raiamandreny Mpaminany tany aloha hoe :

"... HO HAJOROKO ETO MADAGASIKARA NY FANJAKA-PISORONA SY NY FIRENENA MASINA

NY SITRAPON' ANDRIAMANITRA NO HATAO ETO, FA TSY NY SITRAPON' OLOMBELONA,

ARY MADAGASIKARA HO LASA FIRENENA MAHERY...".

DIA HO AN' ANDRIAMANITRA ANDRIANANAHARY IRERY IHANY NY VONINAHITRA MANDRAKIZAY!

Antananarivo vohitra masina,

Taona Alarobia, Sabotsy 25 Jolay 2026.

Hoy ny Mpanjaka Ndriana RABARIOELINA RATSIMIHAH,

Avy amin' ny Lahimatoan'Imerina,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara.

FANKALAZANA TAOMBAOVAO MALAGASY 2026

ARAHABA TRATRY NY TAOMBAOVAO MALAGASY 2026!

SAMBASAMBA ZANAHARY!

SAMY HAHAZO IZAY IRIANY NY TSIRAIRAY!

HO HEMPOKY NY SOA SY NY TSARA INDRINDRA!

TRARANTITRA AZA MAROFY!

HO TAHIN'ANDRIAMANITRA HATRANY!

ARY SAMY HO TRATRY NY ARIVO TAONA MITSINGERINA INDRAY!

DIA HO AN' ANDRIAMANITRA  ANDRIANANAHARY IRERY IHANY NY VONINAHITRA MANDRAKIZAY!

Vita soa aman-tsara ny Fankalazana an'ANDRIAMANITRA ANDRIANANAHARY, MPAMORONA NY LANITRA SY NY TANY, tao Antananarivo Vohitra Masina, misy ny Mpanjaka ANDRIANJAKA namorona ny Rova Antananarivo (1600-1610 AD).

Ireo TENIN' ANDRIAMANITRA nomeny tamin' izany Fankalazana ny TAOMBAOVAO MALAGASY izany dia hoe:

. "...ITY VOLANA ITY NO VOLANA VOALOHANY HO ANAREO, DIA NY VOLANA VOALOHANY AMIN' NY TAONA HO ANAREO..." (Eksodosy 12:2).

.  JESOSY KRISTY: " MPANJAKAN NY MPANJAKA SY TOMPON NY TOMPO" (Apokalypsy 19:16).

. Hoy JESOSY KRISTY: "...EFA NOMENA AHY NY FAHEFANA REHETRA ANY AN-DANITRA SY ETY AN-TANY..." (Matio 28:18).

. "...KOA MIHOATRA NHO NY MPANDRESY ISIKA MIARAKA AMIN' ILAY TIA ANTSIKA (JESOSY KRISTY) ... (Romana 8:31).

. Ny Andriana ANDRIAMBOAVONJY Naina, Master 2 en Théologie, Solo Mpitandrina FJKM, avy amin' Ny Andriamasinavalona, no nitondra ny Hafatr' ANDRIAMANITRA araka ireo voalaza ireo.

. Ny Andriana RAMANANTSOA Jean Baptiste, avy amin' Ny Andrianamboninolona ao Ambovona akaikin' i Vilihazo sy Fihaferana, Raiamandreny ny Toby Fifohazana Fiombonana (FFKM), Manarintsoa Namehana, Antananarivo Avaradrano, dia nanazava mikasika izany Toby Fifohazana izany izay nataon' ANDRIAMANITRA ho Firaisan' ireo Mpiandry FJKM, FLM, EEM, ary Katolika (FFKM), araka ny TENIN' I JESOSY KRISTY hoe "...MBA HO IRAY IHANY IZY REHETRA..." (Jaona 17:21). 

. Ny Mpanjaka Ndriana RABARIOELINA dia nanazava mikasika ny TANTARA MIAFIN' I MADAGASIKARA dia ireo Foko rehetra (Merina, Antakarana, Betsimisaraka, Sihanaka, Bezanozano, Antambahoaka, Antemoro, Tagnala, Betsileo, Bara, Antefasy, Antesaka, Zafisoro, Tanosy, Tandroy, Mahafaly, Masikoro, Vezo, Sakalava, Tsimihety) eto Madagasikara avy amin' ny ZANAK' ISRAEL ROAMBINIFOLO.

. Nisy ihany koa ny TATAO (Fihinanana VARY TONDRAHAN-DRONONO SY TANTELY) izay fomba fanaon' ireo Razambe Zanak' Israel fahiny raha niala avy any Egypta tamin' ny taona 1446 BC sy namakivaky ny Efitra Sinai nandritra ny 40 Taona (1446 BC-1046 BC), ka niditra tany Kanana sy ISRAEL tamin' ny taona 1046 BC.

. Ny Andriana RAZAFINDRAKOTO  Regis, 88 taona mahery, Zanadralambo amin' ny Andrianjaka, avy ao Manandriana Avaradrano, Raiamandreny Zokiolona ao amin' ny Komitin' ny Zokiolona Fianakaviamben' ny Andriana Merina, dia namoaka Boky mitondra ny lohateny hoe "NY FIHAVIAN' NY MALAGASY ARAKA NY BAIBOLY" (156 pejy).

. Tonga nanatrika izany Lanonana izany ireo Andriana ao anaty Fianakaviamben' ny Andriana Merina, Solontena avy amin' Imerina Enitoko sy ireo Andriana nasaina manokana avy eto Madagasikara sy avy any am-pitandranomasina tamin' izany.

DIA HO AN ' ANDRIAMANITRA, MPAMORONA NY LANITRA SY NY TANY, IRERY IHANY NY VONINAHITRA MANDRAKIZAY!

Antananarivo Vohitra Masina, Fanjakana Merina,

Taona Alarobia, Sabotsy 25 Aprily 2026.

Ny Mpanjaka Ndriana RABARIOELINA,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara.

Fanamarihana:

Iray ihany ny TAOMBAOVAO MALAGASY dia ny Tsinambolana ny volana Abib (Mars-April) araka ny Tenin'  YHWH, Mpamorona ny Lanitra sy ny Tany, Ilay Avo Indrindra, Ilay Tsitoha, ao amin' ny Boky Exode 12:2.

FANKALAZANA NY TAOMBAOVAOMALAGASY 2025

  SAMBASAMBA ZANAHARY!

ARAHABA TRATRY NY TAOMBAOVAO MALAGASY!

SAMY HAHAZO IZAY IRIANY NY TSIRAIRAY!

HO HEMPOKY NY SOA SY NY TSARA INDRINDRA!

TRARANTITRA AZA MAROFY!

HO TAHIN'ANDRIAMANITRA HATRANY!

ARY SAMY HO TRATRY NY ARIVO TAONA MITSINGERINA INDRAY!

DIA HO AN' ANDRIAMANITRA  ANDRIANANAHARY IRERY IHANY NY VONINAHITRA MANDRAKIZAY!

Vita soa aman-tsara ny Fankalazana an'ANDRIAMANITRA ANDRIANANAHARY, MPAMORONA NY LANITRA SY NY TANY, tamin' ny Tsinam-bolana nyvolana Abib na Nissan (Marsa-Aprily) teNy ANERINERINA Vohitra Masina, misy ny Mpanjaka ANDRIANERINERINA Lahimatoan' Imerina (1260-1300 AD).

Anerinerina Vohitra Masina, Fanjakana Merina,

Taona Talata, Sabotsy 29 Mars 6025.

Ny Mpanjaka Ndriana RABARIOELINA,

Lehiben' ny Fianakaviamben' ny Andriana Merina,

Lehiben' ny Fianakaviamben' ny Mpanjaka eto Madagasikara.

NY ANDRIANA DIA FADY OSY, KISOA, VOALAVO, ALIKA:

 

".... Fa FIRENENA MASINA ho an'i YHWH ANDRIAMANITRAO ianao ka VOAFIDINY ho RAKITRA SOA ho Azy mihoatra noho ny firenena rehetra ambonin'ny tany.

Aza mihinana izay fahavetavetana..."

(Deotoronomia 14 :2-3).

"...ary ny KISOA koa, satria mivaky kitro izy, fa tsy mandinika, maloto aminareo izy; ny henan' ireny TSY HO FIHINANAREO ary ny fatiny tsy hokasihinareo..." (Deotoronomia 14:8). 

"...Ary mihinana ny henan-KISOA sy ny ZAVA-BETAVETA ary ny VOALAVO; Dia hiaraka ho levona avokoa, hoy YHWH..." (Isaiah 66:17).

"... ny OSY LAHY natao Fanatitra ho an' ny ota..." (2 Tantara 2:23).

"...Aza omena ny ALIKA izay masina; ary aza atsipy eo anoloan'ny KISOA ny vato soanareo, fandrao hanitsaka azy izy, dia hifotitra ka hamiravira anareo..." (Matio 7:6).

DIA HO AN' ANDRIAMANITRA, MPAMORONA NY LANITRA SY NY TANY,  IRERY IHANY NY VONINAHITRA MANDRAKIZAY !

Antananarivo Vohitra Masina,

Taona Alatsinainy, Sabotsy 4 Janoary 2025.

Hoy;

Ny Fianakaviamben' ny Andriana Merina,

Ny Fianakaviamben' ny Mpanjaka eto Madagasikara.  

(C) Copyright 

FANANDRATANA NY NDRENOGNY RAMAHASITRAKARIVO Georges Prosper (01 Nov 2024)

 Ny Mpanjaka Ndriana RABARIOELINA,

Lehiben'ny Fianakaviamben'ny Andriana Merina,

Lehiben'ny Fianakaviamben'ny Mpanjaka eto Madagasikara,

dia nasaina manokana tamin' ny Fanandratana 

Ny Ndrenogny RAMAHASITRAKARIVO Georges Prosper,

Ampanjaka be ny Fanjakana Antemoro,

any Atsimo Atsinanana an'i Madagasikara.

Izy moa dia nandimby ny zokiny Ny Ndrenogny RAMAHASITRAKARIVO Marc Brillant izay niamboho. 

Ny Fanjakana Antemoro dia nanomboka tamin' ny taona 1336 AD ary mitohy tsy tapaka mandraka ankehitriny.

Maro ireo Ampanjaka avy amin' ny Foko hafa eto Madagasikara no nipoitra avy amin' ny Fanjakana Antemoro, tahaka ireo Ampanjaka Antagnala, Betsileo, Sakalava ary Antakarana.

Nisy vahiny nasaina mi-isa ARIVO mahery (+1000) no tonga manotrona izao Fanandratana Ny Ndrenogny RAMAHASITRAKARIVO Georges Prosper izao, ary singanina manokana amin' izany :

Ny Mpanjaka Ndriana RABARIOELINA,

Lehiben'ny Fianakaviamben'ny Andriana Merina,

Lehiben'ny Fianakaviamben'ny Mpanjaka eto Madagasikara,

Ireo Ampanjaka maro amin' ny Fanjakana Antemoro.

Ny Mpanjaka Ndriana RABARIOELINA dia nanao Fanomezana manokana sy nanolotra Boky Masina milaza Tantara 6000 Taona mahery mikasika ny Razamben' ny Foko Merina sy ny Foko Antemoro ho an' Ny Ndrenogny RAMAHASITRAKARIVO Georges Prosper.

"... MITSANGATSANGANA, MIHAZAVA FA TONGA NY FAHAZAVANAO, ARY NY VONINAHITR' ILAY MPAHARY EFA MIPOSAKA AMINAO..." (Isaiah 60 :1).

DIA HO AN' I ZANAHARY, MPAMORONA NY LANITRA SY NY TANY, IRERY IHANY NY VONINAHITRA MANDRAKIZAY !

Ivato Vohipeno,

Taona Alatsinainy, Zoma 01 Novambra 2024.

Ny Mpanjaka Ndriana RABARIOELINA,

Lehiben'ny Fianakaviamben'ny Andriana Merina,

Lehiben'ny Fianakaviamben'ny Mpanjaka eto Madagasikara.